التاج ده جالي زمان ( قبل حتي ما أنزل اول بوست ) , فحسيت ان كفايه كد ه عليه .. وأجاوبو بقا
جالي من ( تستمر الحياه ) .. هو الحقيقه شكلو يخوف .. بس ربنا يسهل بقا .. ياللا نبتدي
من هو:أحب شخص لقلبك فى الدنيا؟
ناس كتير .. منهم بابا وماما ورحاب وسميه و .... ناس كتير بقا
انسان مستعد تضحي بحياتك - ركز فى كلمة حياتك- علشانة؟
الحياه أغلي حاجه عند أي حد .. وأخر حاجه ممكن نضحي بيها
بس أكيد لو حد من أسرتي .. أو اي حد بحبو اوووووي
بس فمقدرش أحدد دلوقتي ممكن أضحي بيها لمين ..
اسم أول حب؟
ماما :D
اسم اخر حب(حتى الان)؟
:D ممكن أستعين بصديق ؟
ما هو :اسم أجمل كتاب كتبه بشر قرأته ومحتفظ به حتى الان ؟
أعترف أني مدمنه قرأه .. بجد بقرأ بشكل مش طبيعي ... وبعشق القراءه .. وبالتالي عندي كتب كتير
فمن ضمن الكتب اللي عجبتني أوي
الخالدون 100
لا تحزن
ســاحر الصحراء
Da Vinci Code
Lord of the Rings
The 7th papyrus
Like the sea
Eragon
The great sun of Hiroshima
اسم كتاب-كتبه بشر برضة- انت متعلق بيه وبتقرأه كل فترة؟
اسم كتاب-كتبه بشر برضة- انت متعلق بيه وبتقرأه كل فترة؟
كــل اللي فاتو
اهم جهاز منزلى انت متعلق بيه او بتستخدمه كتير ؟
الكمبيوتر
شىء تحس بالراحة النفسية عندما تنظر اليه ؟
غرفتي
مكان تحس فيه بالحنين الى شىء لا تدرى ماهو و ذكريات جارفة الى لاشىء ؟
أماكن كتير .. منهم : الحسين
classic
بيت جدي
شط ريميني
مكان تحس بالراحة عندما تدخله ؟
اي مسجد .. وبحس برغبه غريبه في النوم
اجمل مدينة زرتها داخل مصر ؟
للأسف الشديد .. مروحتش اي مكان في مصر .. :$ بس لو السؤال عام .. فأقدر أقول ( باريس ) أجمل مكان زورتو
أجمل مكان طبيعي رأيته داخل مصر؟
أجمل مكان طبيعي رأيته داخل مصر؟
النــيل .. مشوفتش مكان طبيعي غيرو الحقيقي في مصر
نوع هاتفك المحمول؟
Nokia 6102
سرعة بروسيسور جهازك ؟
مش عارفه الحقيقه ..
حجم ذاكره-هارد جهازك ؟
80 .. ومش مكفي اي حاجه ..
المساحة التى تشغلها المواد الاسلامية على جهازك ؟
15 جيجا
نفس المساحة السالف ذكرها فى قلبك-الاجابة لنفسك عشان الرياء يا اخواننا ؟
اوك
أهم هدف انت واضعه لحياتك دلوقتى ؟
أعمل حاجه كويسه في الكليه
مواصفات فتاة –أو فتى للبنات- الأحلام بالنسبة لك ؟
السؤال ده انا مش بقتنع بيه .. أنا مش مقتنعه أني أحدد تفصيله .. وأقول أن ده فتي أحلامي ..أنا مقتنعه أن الاعجاب أو الحب ..أو الأرتباط .. ملوش مقاييس ولا مواصفات ..
صف ما يأتى :شعورك لما بتسمع كلمة مصر؟
الحنين
شعورك لما بتسمع كلام عن اليهود ؟
اشمئزاز
شعورك لما بتشوف ظابط شرطة ؟
بحزن
شعورك لما بتشوف الكناس العجوز فى الطريق ؟
حزن شديد ..
لون البطانية اللى بتتغطى بيها فى الشتاء ؟
واحده زرقا .. واحده بيج .. واحده حمرا .. أصل الجو بيبقي برد اوي
لون الجورب-الشراب- المفضل لديك ؟
بابا جابلنا تشكيله هايله من الشرابات وهو جاي أخر مره .. والحقيقه عاجبني كلهم .. فيه منهم ( بيستاج في فوشيا ) و ( فوشيا في أسود ) و لبني فاقع .. وكتير تاني علي الشكيله ديه .. والحقيقه شكلهم مميز جدا :D
احساسك اذا داست قدمك فى الطريق على مخلفات اخراج حيوان- *** ولا مؤاخذة-؟
يععععععععع
احساس يراودك فى اشارة مرور مغلقة بسبب مسئول كبير؟
حزن
أعدي التاج ده .. لطيف .. و أسد مسجون .. وأرض الحرب ..و
exprite ur self
.jpg)
23 comments:
اجابة لأعجبتني ..
قراءة الروايات العالمية توسع المدارك و تنمي التخيل و الادراك
كتاب لا تحزن من الكتب القيمة
قرأته 6 مرات حتى الآن
إجابة لي عليها ملحوظة ..
لا يجب أن تكون الحياة أغلى من كل شيئ فاذا كانت حياتنا أغلى لدينا من كل شيئ فلنراجع أنفسنا لأن التمسك بالحياة دليل ضعف و ليس دليل قوة
صراحة وبجد أول ما قرأت الأسئلة فيه أسئلة عجبتني وفيه أسئلة حسيت كتير جدا انها معذرة يعني هايفة شوية ومالهاش اي لازمة
معذرة ان كلامي شديد شوية او واضح وصريح اكتر من اللازم بس هو ده رايي
والاجابات فيها اجابات جميلة جدا وحلوة اوي
بوركتم والسلام مسك الختام
بختلف مع ("قاائد") ان فى اسئلة هاايفة
الاسئلة دى بيكون ورااها هدف نفسى
بيكون طاارح الاسئلة مثلا بيريد ان يعرف شئ محدد عن طبيعة ال بيسأله
والله واعلم اذا كااان ملوش غرض من ذلك
انا بتكلم بصفة عاامه
كمااان عااوز اقول ان الاسئلة دى كويس انها تكون فى البلوج علشان الزوااار ال ماابيعرفو صااحبة البلوج يعرفوها
وفى النهااية زيى كل مرة احب ادعى لكليو باااترا
وبقولها ربنا يكرمك علشان انتى تستاااهلى كل حااجه كويسة فى الدنيا
Abdo Saleh
اه نسييت انصح كليو باااتر وكل النااس ال بتقرأ كتب كتيير
نااس قراااايه صحيح :D
انهم ماايقرأو الكتب الكبيرة من على الكمبيوتر
انا جربتها اكتر من مرة وكنت بلاااقى ضررها الكبير
كنت بصدع وكاانت عنيا بتوجعنى
ممكن طبعا نقرأ شويه ونقوم نبص فى حتة تاانيه علشان نريح اعصاااب العنييين
بس فى بعض الاوقااات كتب الوااحد بيكون متلهف انه يقرأها ورا بعضها ورا بعضها علشان اسلوبها الكويس وهنا منقدرش نشيل عنييينا :D
ايه ده باريس حته واحدة طب كويس جدا اكيد طبعا من اجمل الزيارات كنت همررلك التاج بس لقيته عندك
علاء ... فعلا قراءه الروايات العالمين حاجه رائعه جدا .. مع ان ليها برضو جوانب سلبيه
الحياه أغلي من كــل شئ فعلا .. بس احنا أكيد بنفدي بيهل البعض .. سواء كانو أشخاص .. او مثلا الوطن .. أو الدين ..
قائد ... أنت أكيد حر في عرض رأيك :) ورأيك يحترم .. جزاك الله خيرا .. بس محدش قال ان لازم الاسئله تبقي بشكل واحد .. او في اتجاه واحد .. :) وأعتقد أن في اي حاجه .. لازم تبقي فيه الشديد .. وفيه حاجه برضو تهدي الجو
كادوراا .. جزاك الله خيرا علي الدعاء
وبالنسبه للنصيحه .. فانا الحمد .. مبقراش كتب اصلا ساء كانت كبيره او صغيره من علي الكمبيوتر ..
بالنسبالي الكتب ليها طعم تاني خااااااالص ..
بحب مسك الورق بايدي .. بحب لونها .. وريحتها
مش بقولكو ادمان :D
امام الجيل .. جزاك الله خيرا علي المرور
هو التاج ده عند كله :D
اعجبتني إجابة المواصفات ..
غير أن بيبقى فيه
Standards
معينة عند كل واحد مش هينفع يحصل ارتباط من غيرها ..
وأعتقد ده اللي كان مقصود من السؤال
اخيرا جاوبتيه
بس اجابات جميله يا كوكو
:)
أنا في سؤال بسيط بس
هي الأسئلة دي انتي اللي بتسأليها لنفسك وبتجاوبي عليها ولا في حد باعت لك الأسئلة دي؟
لأني بصراحة أسلوبها عجبني جدا جدا
menem atwa
باريس احلي ولا مصر؟؟؟؟؟؟؟
:)
جميل ماشاء الله
:)
ربنا يكرمك يا كليو يا رب ^_^
عندك حق في حكاية المواصفات... فيه اصلأً ناس بتفضل تحط مواصفات اد كده
بس المواصفات دي مش كويسة ليها
ف لو حتى جه الشخص ده... بيبقى شخص كامل في نظرهم ااه
بس مش مناسب ليهم
بس هيا أسس بتخليكي ماتقليش عنهم عشان بداية التفكير بتاعك:)
مش اكتر
:)
ربنا يعزك :)
عمرو .. أنا كمان لاحظت ان التاج ده عند الناس كلها :D
وبالنسبه للمواصفات .. أكيد طبعا فيه اساسيات لازم تكون موجوده .. بس اعتقد أن الأغلبيه بيتفق عليها ..
سمسمة .. ايوة اخيرااااا جاوبتو .. :D
منعم .. لا الاسئله ديه بتتداول بين البلوجر .. يعني بنعديها لبعض
انــا راجع .. لازم الأول نتفق أن مصر أحلي بلد في الدنيا ... ومش عايزه نقاش ( شوفتو الديمقراطيه ) بس باريس حقيقي مدينه الجمال ... يعني بجد مدينه رائعه .. النضاه فيها رائعه .. الحرية فيها رائعه .. عدم العنصريه .. تجمع الديانات .. انا اصلا حسيتها نسخه من القاهره بس علي نضيف ... فيها محلات مسلمين كتيير .. وفيها مصريين بالهبل .. وطبعا فيها مساجد .. من زماااااان ..
مجمع ثقافات رائع .. لما تشوف جامعه السوربون .. تحس كانك شايف الثقافه والعلم مجسدين ..
مدينه بجد بيجتمع فيها التطور والشياكه والنضافه .. والحريه والأحترام ..
بس مصـــــــر أحلي برضو :) وكمان لازم أذكر أني مجموع الأيام اللي قضيتها في باريس .. تقريبا عشرين يوم .. والفتره ديه مش كافيه أني أشوف عيوبها ..
جوجو . حبيبتي .. ربنا يكرمك يا قمر علي الدعاء ..
وفعلا أنا مبحبذش موضوع المواصفات ده .. بس طبيعي يكون فيه خطوط عريضه لازم نبقي حاطنها .. وبتبقي في الغالب عامه اوي .. وتقريبا الجميع بيتفق عليها :)
السلام عليكم
شكرا على الزيارة
وانا لقيت عند حضرتك تاج بتجاوبى عليه ... وأظن الأسئله كلها فى مستوى الطالب المتوسط والحمد لله عرفتى تجاوبى كويس
اللى لفت انتباهى فى المدونة
الموسيقى اللى حضرتك حطاها
بحبها جدا .. مع انها حزاينى .. لكن انا بحبها
تحياتى
Alive the people of Palestine, against the fascism of Israel and the terrorism of the North America
Peace for Palestine
سلامو عليكو ياجدعان
اولا تشكرات كتيييييييييير علي التاج ياكليوباترا
انا ليا تعليقين
الاولاني
هو مش
eragon
و
lord of the rings
اساسا افلام ولاهما اساسا قصص
ارجو التوضيح
التاني
وده اهم من الاولاني بكتير
مع احترامي الكبير اوي لرايك
جمال المدن مش بيتقاس بالشوارع والمحلات والبني ادمين والمجمعات الثقافية والمصريين اللي بالهبل
ولو كان الموضوع علي كده
سؤال بقي ليكي ولكل اللي بيقرا التعليق
حد فيكوا شاف صور بغداد قبل الحرب
لاتقولي بقي شوارع ولاخضرة ولاحاجة
واللي مش مصدقني استنوا قريب قوي هنزل لكم اللينكات الخاصة بالصور هنا وده بعد اذن الاخت كليوباترا لحسن حد يفتكرني بعمل دعاية لمدونتي
ارجو التصويب ليا لو كنت غلطان
تحياتي للجميع
وعليكم السلام ورحمه الله وبركاته يا أرض الحرب
بالنسبه للسؤال الأول
lord of the rings
في الأصل قصة خياليه لكاتب اسمو
j.r.r.tolkien
وهي قصة من 3 اجزاء عدد صفحاتها يفوق ال1300 صفحه .. مستواها الأدبي عالي جدا
واللي حصل انهم بس اشتروا الروايه من الكاتب .. واخرجو وانتجو الفيلم
أما بالنسبه ل
eragon
فبرضو قصة خياليه بس الجمييل أوي فيها ان الكاتب :
christopher paolini
كتب القصه ديه وهو عنده خمستاشر سنه .. والنهارده عنده تقريبا اربعه وعشرين سنه وعلي فكرة .. باباه ومامته هو اللي اتحملو تكلفه انتاج القصه اللي برضو عبارة عن جزئين .. والجزء التاني او التكملة اسمة
eldest
بس انا للاسف مقرأتوش
ده بالنسبه للسؤال الأول .. اللي اتمني مكنتش طولت فيه بمعلومات ممكن تكون متهمكش
أما بالنسبه للسؤال التاني
فطبعا جمال المدن مش بده بس .. بس انا بتكلم عن رؤيتي كسائحه في باريس .. وده انا وضحتو .. انا مقعدتش فيها خمس سنين ملا .. وبعدين زعمت أنها جميله للأسباب ديه بس
انا زورتها .. وديه أكتر الحاجات اللي خطفت نظري
وبالنسبه لبغداد .. فأنا للاسف مشوفتش صور كتيرة ليها قبل الحرب .. وهكون سعيده لو شوفت :) وجزاك الله خيرا علي السؤالين دول .. لانهم أسعدوني أوي
هو انا في الاول كنت فاكر نفسي موسوعة متحركة في موضوع القصص ده
بس من الواضح كده اني هبدا اعمل شوية تغييرات
عموما مشتكرين حدا
بالنسبة لصور بغداد
استنيها في بوست قريب اوي
هناااااااااااااااك
في ارض الحرب
Post a Comment