يـــــــــــــــــوم ميلادي .. يـــــــــــــــوم ميلادك
بالأمس اتممت 18 عاما وبعيدا عن سعادتي .. بنفسي اولا ... وبمن احتفل بي ثانيا... وحتي بمن تذكرني برساله او بأتصال ثالثا
ولكني توقفت مع نفسي .. وفكرت في الميلاد ..
المعتاد ان يقال كل عام وانتي بخير .. والي الله اقرب
ولكني أود ان تقولو لي : كل ثانيه وانتي طيبة .. والي الله اقرب
فيوم الميلاد .. هو ذكري للسنين التي مرت علينا منذ ولدنا ..
منذ اخرجنا للحياه ومع مرور القليل من السنوات ..
نبدأ بالتساؤل .. من أين أتينا ؟ وكيف أتينا ؟
فتأتي اجابه مقتضبه ..
اسأل اليوم .. لماذا أتيت .. او ماهية الميلاد .. عن الأبوه والبنوه
عن ميلاد شئ من شئ أخر .. وعن الأمتداد الذي يصنعه هذا التوالد
فهناك ميلاد للأفكار .. فنقول : بنات أفكاري
وقد نقول ايضا ..: بنت شفه .. فالكلمه تولد بنطقها
والكون ايضا .. ولد بكلمة من الله عز وجل
حتي الحضارات .. والأزهار .. يولدن والشمس تولد كل صباح
حتي المشاعر .. تولد .. واحيانا .. تموت
ان كل يوم يولد من رحم الزمان .. ويضاف الي رصيدنا من الايام في الدنيا
فعلينا ان نستغل ذلك الرصيد الثمين
وأن نكن للاخرين حبا
أو نساعد محتاجا
أن نسأل عن مريض .. او يتيم
أن نولد من جديد
" يا رب هبني ميلادا جديدا في قلبي, وأفكاري ,ومبادئي, فتتغير حياتي من الداخل وتتغير من حولي الدنيا الي الأفضل "
.jpg)
34 comments:
كل ثانيه وانتى طيبة :D
Abdo Saleh
كل سنه وانتى طيبه يا كليو
جميله اوى المشاعر اللى انتى كتبيتها فى البوست ده بجد استشعرتها جامد وبمعنى مختلف
يارب يكون اللى فات فى ميزان حسناتك
كل "ساكند وانتى طيبة"
هههههههههههههههههههه
بصى ...انتى لسه فى بداية الطريق...اى مازلتى نبتة صغيرة ...لم تنمو جيدا...ولم تينع :D
فالطريق مازال طويلا...
ايه علاقة كلامى بالبوست
متساليش هوا كده
كل عام وانتى الى الله اقرب
وان شاء الله السنة الجاية تكونى حققتى اى حلم بتحلمى بيه..:)
happy birth day
we kol thania wenty tayeba
ra7ma
كل ثانية وانت بخير
كل ثانية وانت الي محبة الله اقرب
وعن معصيته ابعد
زادك الله بسطة في الدين والخلق والطاعة والعلم
كلما زادك عمرا
جميل من المرء ان يفكر بهذه الطريقة
تحياتي
كل عام و انت الى الله اقرب
كل سنة وانتى طيبة يا قمرة
انتى بجد انسانة جميلة اوى
ربنا يخلينى ليكى ..ويرزقك الخير كله يارب
حلو البوست ده يا اختنا
اول مرة اشوف بوست عيد ميلاد
وجميل وهادف كدة
اهم حاجة فعلا ان الواحد يقف مع كل عيد ميلاد لية ومش يفرح اوي
عشان لازم يعرف ان عمرة كدة نقص سنة وهكذا
ربنا يكرمك اختي الكريمة
وكل عام وحضرتك بخير
كادوووورا
وانت طيب :)
ســـــلوي .. وانتي طيبه يا حبيبتي
:) انا سعيده ان البوست وصل اللي انا كنت عايزاه
سفــاح.. وانت طيب :)
اللي فات من الطريق حتي لو كان قليل .. اسعدني اوي .. وربنا يسهل وأعدي اللي جاي كمان .. واكبــر بقا
وان شاء الله السنه الجايه تكون انت كمان حققت اكتر من اللي بتحلم بيه :)
thx ra7ma :) jazaki Allah khairan
عمرو .. جزاك الله خيرا علي الأدعيه الجميله ديه :)
خطاب .. وكل ثانيه وانت في طاعه الله
ارابيا جييرل . حبيبتي :) يا رب نفضل دائما مع بعض :)
اخي الريدي .. سعيده بان البوست عجبك :)وفعلا الواحد لازم يقف .. مش بس لأن كده نقص من عمرة سنه .. وكمان لأنو داخل فس سنه جديده .. لازم يحدد ناوي يقضيها ازاي .. يا تري للاحسن ولا للأوحش
خلاص بقى مش هقول كل عام وانتم بخير
هقول كل ثانية وانتم الى الله اقرب
وكل ميلاد وانتم على طريقة ادوم ان شاء الله
كل ثانيه وانتي طيبة .. والي الله اقرب
من الجميل ان يراجع الإنسان نفسه كل ثانية ... ليعرف أين ذهبت ...
أعانكم الله أختنا الكريمة ...
كان في تتر لمسلسل بيقول
انا يوم معيش لنفسي دا يوم موتي الحقيقي
...هو يقصد انه لازم يعيش للناس ..جميل اه انه يعيش للناس بس في نفس الوقت لازم يعيش لنفسه ويكون نافع لنفسه زي مهو نافع لغيره
كب سنة وانتي طيبة يا كليوبترا
ربنا يخليك الشعب اليتيم بتاعك :D
ابن توفيق .. كل ثانيه وانت طيب :)
شرقاوي ربنا يكرمك .. ويا ريت فعلا نقدر نراجع نفسنا كل ثانيه .. علي كل تصرف ..
محمد .. اعتقد ان استحاله حد يعيش للناس قبل ما يكون الأول عايش لنفسو .. علشان يقدر يعيش للناس بــنفسو ..
لازم نحقق نفسنا .. ونقوي نفسنا .. ونطور من نفسنا .. ونتعلم علشان نقدر نعمل كل حاجه كويسه .. وخلال ماهو طالع لفوق .. لازم يساعد التانيين .. ويحقق للمجتمع اللي بيحاول يحققو لنفسو من تطور وازدهار ..
وكــل ثانيه وانت طيب
كل سنة وانتي طيبة مع انها جت متأخر حبه
ويارب تكون السنه دي جميله ويكون مغفورك كل السنين اللي فاتت
ربنا معاكي
جميل جدا
وفعلا كل واحد يجب عليه أن يقف مع نفسه يحاسبها
أن يحلق في سماء غير سمائه ليرى تلك النفس بأي شكل تكون وبأي طريق تسير
فهناك بعض الطرق لا نرى مدى صحتها إلا بالنظر إلى النهايات
اعتلي جبلا أو تلة .. وإياك والعيش بين الحفر
يجب أن يكون للإنسان وقفة مع نفسه كل
كل سنة
بل كل شهر ويوم
بل كل ساعة ولحظة
حاسبوا أنفسكم قبل أن تحاسبوا
وزنوا أعمالكم قبل أن توزنوا
صحيح
مبروك على المدونة أخت كليو
:)
كويس ان اول زياره كانت مناسبه كويسه
اصل دايما وشى على الناس الجديده ....مش عارف ايه اللى بيحصل
كل ثانيه وانتى طيبه وان شاء الله التغيير يحصل ان لم يكن حدث
بس فى حاجه هتجنن واعرفها
النور جه امتا ؟
كل سنه و انتى بخير يا كليو....
بس مش عارفه ليه يا كليو انا حاسه انك هتعملى انقلاب فى حياتك و هيبقى ليكى اثر جامد قوى فى المجتمع.......
و صحيح انا غيرت اللينك بتاع مدونتى
اهه اللينك الجديد
http://www.melsamt.blogspot.com/
باترسيا .. وانتي طيبه :) وجزاكي الله خيرا علي الأدعيه الحلوة ديه
وضاح .. نورت المدونه :) وكلامك فعلا حقيقي .. خاصه في فكره اننا نري الأمور من أعلي .. والحقيقه مكدبش عليكو .. انا بفتقد شويه الموضوع ده .. بس حقيقي لو شوفنا كــل الأمور من فوق .. هتبقي رؤيتنا ليها اشمل واوضح كتير ..
بلبيسي .. جزاك الله خيرا علي المرور .. بس الحقيقه انا مش فاهمه السؤال .. لو ممكن بس توضح قصدك اكتر
مللت الصمت .. حبيبتي .. ايه ( هيبقالك ) ده يا بنتي انا ليا من دلوقتي :d لا بجد جزاكي الله خيرا يا قمر .. واستمري ..
كل عام وانتى الى الله اقرب وعلى طاعته ادوم وللجنة اطمع
وعقبال مليون سنة ضوئية كمان
تحياتى
كل ثانية وانتي طيبة
اول مرة اخد بالي من كلمة بنت شفه
جزاكي الله خيرا
جزاك الله خيرا يا امام الجيل .. وكل ثانيه وانت بخير
مصراوي اوي .. وانت بخير ..
بنت شفه كلمه جميله الحقيقي .. وبليغه جدا
كوكو حبيبتى
كل فيمتو ثانيه وانتى طيبه
وان شاء الله حياتك كلها تبقى فى رضا الرحمن
يامجرى ريق القلم على ورقه م الدفتر
اوعى لكلام خداع قبل الميعاد يفطر
خليه يكمل صوم لحد سبت النور
لو قش هوه ببنت بالتالته هيبصر
كل عام وأنتِ إلى الله أقرب :)
كل عام وانت الي الله اقرب ومن طاعه اقرب ومن جنته اقرب ومن ناره ابعد ومن الاعمال الصالحه اكثر وكل سنه وانت طيبه
كل سنة وانتى طيبة يا اخت كليوباترا
وإن شاء الله دايما تكونى فى توفيق وقربة من ربنا
سمسمه .. حبيبتي .. كـــــــــل فيمتو ثانيه وانتي في في سعاده وحب ورضا من عند ربنا يا حبيبتي :)
حقك تهرتل .. جزاك الله خيرا علي المرور
عمرو :)وانت طيب
شكرا علي المرور
أسد مسجون .. :) وانت طيب
مانجر جزاك الله خيرا علي الدعاء .. وربنا يوفقك
بسم الله ما شاء الله
تدوينة طيبة جدا يا كليو .. وفكرك تمام يا بنتي .. ربنا يبارك لك ويزيدك تقوى وهدى وإيمان وقرب من الرحمن كل ثانية تمر عليك في عمرك :)..
وأصدقك القول أني أتحسس كثيرا من (أيام الميلاد) سواء كانت الحساسية من الناحية الشرعية أم من الناحية الفكرية
الناحية الشرعية معروفة لدى الجميع .. فنحن كمسلمين عقيدتنا وإيماننا يلزمنا بأن لنا عيدين نفرح بعودتهما كل عام فقط .. غير عيدنا الأسبوعي وهو يوم الجمعة ..
أما من الناحية الفكرية .. فكيف يفرح الإنسان بذهاب بعضه الذي لن يعود ؟!
يا ابن آدم إنك أيام .. فإن ذهب يومك ذهب بعضك
إن كان خيرا فخير .. وإن كان شرا فلا تستطيع العودة بالزمن لأصلاح ما فات ..
هل هذا الكلام صحيح ؟!
لا طبعا .. أمال فين بقى تحويل الذنوب لحسنات لمن يتوب الله عليهم ؟؟
عشان كده التوبة من أكبر نعم الله على العبد .. كأنك بترجعي باستيكه وتصححي الماضي ..
بجد أنا مبسوطة جدا من طريقة تفكيرك يا كليو .. ربنا يعزك ويجمعك مع الصالحين والأنبياء
كل عام و انتم الى الله اقرب
و الى الجنة اقرب
و من الشيطان أبعد
جزاكي الله خيرا يا مها علي المرور .. وأتفق معكي في الكثير من كلامك
وانت طيب يا علاء :)
دائماً وأبدا تكونين من الله أقرب
Post a Comment