* * تــوجــونــي * *

التاج ده جالي زمان ( قبل حتي ما أنزل اول بوست ) , فحسيت ان كفايه كد ه عليه .. وأجاوبو بقا

جالي من ( تستمر الحياه ) .. هو الحقيقه شكلو يخوف .. بس ربنا يسهل بقا .. ياللا نبتدي

من هو:أحب شخص لقلبك فى الدنيا؟

ناس كتير .. منهم بابا وماما ورحاب وسميه و .... ناس كتير بقا

انسان مستعد تضحي بحياتك - ركز فى كلمة حياتك- علشانة؟

الحياه أغلي حاجه عند أي حد .. وأخر حاجه ممكن نضحي بيها

بس أكيد لو حد من أسرتي .. أو اي حد بحبو اوووووي

بس فمقدرش أحدد دلوقتي ممكن أضحي بيها لمين ..

اسم أول حب؟

ماما :D

اسم اخر حب(حتى الان)؟

:D ممكن أستعين بصديق ؟

ما هو :اسم أجمل كتاب كتبه بشر قرأته ومحتفظ به حتى الان ؟

أعترف أني مدمنه قرأه .. بجد بقرأ بشكل مش طبيعي ... وبعشق القراءه .. وبالتالي عندي كتب كتير

فمن ضمن الكتب اللي عجبتني أوي

الخالدون 100

لا تحزن

ســاحر الصحراء

Da Vinci Code

Lord of the Rings

The 7th papyrus

Like the sea

Eragon

The great sun of Hiroshima

اسم كتاب-كتبه بشر برضة- انت متعلق بيه وبتقرأه كل فترة؟

كــل اللي فاتو

اهم جهاز منزلى انت متعلق بيه او بتستخدمه كتير ؟

الكمبيوتر

شىء تحس بالراحة النفسية عندما تنظر اليه ؟

غرفتي

مكان تحس فيه بالحنين الى شىء لا تدرى ماهو و ذكريات جارفة الى لاشىء ؟

أماكن كتير .. منهم : الحسين

classic

بيت جدي

شط ريميني

مكان تحس بالراحة عندما تدخله ؟

اي مسجد .. وبحس برغبه غريبه في النوم

اجمل مدينة زرتها داخل مصر ؟

للأسف الشديد .. مروحتش اي مكان في مصر .. :$ بس لو السؤال عام .. فأقدر أقول ( باريس ) أجمل مكان زورتو

أجمل مكان طبيعي رأيته داخل مصر؟

النــيل .. مشوفتش مكان طبيعي غيرو الحقيقي في مصر

نوع هاتفك المحمول؟

Nokia 6102

سرعة بروسيسور جهازك ؟

مش عارفه الحقيقه ..

حجم ذاكره-هارد جهازك ؟

80 .. ومش مكفي اي حاجه ..

المساحة التى تشغلها المواد الاسلامية على جهازك ؟

15 جيجا

نفس المساحة السالف ذكرها فى قلبك-الاجابة لنفسك عشان الرياء يا اخواننا ؟

اوك

أهم هدف انت واضعه لحياتك دلوقتى ؟

أعمل حاجه كويسه في الكليه

مواصفات فتاة –أو فتى للبنات- الأحلام بالنسبة لك ؟

السؤال ده انا مش بقتنع بيه .. أنا مش مقتنعه أني أحدد تفصيله .. وأقول أن ده فتي أحلامي ..أنا مقتنعه أن الاعجاب أو الحب ..أو الأرتباط .. ملوش مقاييس ولا مواصفات ..

صف ما يأتى :شعورك لما بتسمع كلمة مصر؟

الحنين

شعورك لما بتسمع كلام عن اليهود ؟

اشمئزاز

شعورك لما بتشوف ظابط شرطة ؟

بحزن

شعورك لما بتشوف الكناس العجوز فى الطريق ؟

حزن شديد ..

لون البطانية اللى بتتغطى بيها فى الشتاء ؟

واحده زرقا .. واحده بيج .. واحده حمرا .. أصل الجو بيبقي برد اوي

لون الجورب-الشراب- المفضل لديك ؟

بابا جابلنا تشكيله هايله من الشرابات وهو جاي أخر مره .. والحقيقه عاجبني كلهم .. فيه منهم ( بيستاج في فوشيا ) و ( فوشيا في أسود ) و لبني فاقع .. وكتير تاني علي الشكيله ديه .. والحقيقه شكلهم مميز جدا :D

احساسك اذا داست قدمك فى الطريق على مخلفات اخراج حيوان- *** ولا مؤاخذة-؟

يععععععععع

احساس يراودك فى اشارة مرور مغلقة بسبب مسئول كبير؟

حزن

أعدي التاج ده .. لطيف .. و أسد مسجون .. وأرض الحرب ..و

exprite ur self

كــــ(18)ـــــل ثـــانية وانـــا طيبة

يـــــــــــــــــوم ميلادي .. يـــــــــــــــوم ميلادك

بالأمس اتممت 18 عاما وبعيدا عن سعادتي .. بنفسي اولا ... وبمن احتفل بي ثانيا... وحتي بمن تذكرني برساله او بأتصال ثالثا

ولكني توقفت مع نفسي .. وفكرت في الميلاد ..

المعتاد ان يقال كل عام وانتي بخير .. والي الله اقرب

ولكني أود ان تقولو لي : كل ثانيه وانتي طيبة .. والي الله اقرب

فيوم الميلاد .. هو ذكري للسنين التي مرت علينا منذ ولدنا ..

منذ اخرجنا للحياه ومع مرور القليل من السنوات ..

نبدأ بالتساؤل .. من أين أتينا ؟ وكيف أتينا ؟

فتأتي اجابه مقتضبه ..

اسأل اليوم .. لماذا أتيت .. او ماهية الميلاد .. عن الأبوه والبنوه

عن ميلاد شئ من شئ أخر .. وعن الأمتداد الذي يصنعه هذا التوالد

فهناك ميلاد للأفكار .. فنقول : بنات أفكاري

وقد نقول ايضا ..: بنت شفه .. فالكلمه تولد بنطقها

والكون ايضا .. ولد بكلمة من الله عز وجل

حتي الحضارات .. والأزهار .. يولدن والشمس تولد كل صباح

حتي المشاعر .. تولد .. واحيانا .. تموت

ان كل يوم يولد من رحم الزمان .. ويضاف الي رصيدنا من الايام في الدنيا

فعلينا ان نستغل ذلك الرصيد الثمين

وأن نكن للاخرين حبا

أو نساعد محتاجا

أن نسأل عن مريض .. او يتيم

أن نولد من جديد

" يا رب هبني ميلادا جديدا في قلبي, وأفكاري ,ومبادئي, فتتغير حياتي من الداخل وتتغير من حولي الدنيا الي الأفضل "

الشـــــعب اليتـــــــيم

هذا الشعب العريق بعد ان علم الشعوب الكتابه والزراعه ووقف العلماء عاجزين عن معرفه اسراره
اضعفه المستعمرون الي ان حكمه الطغاه ودمروا ما تبقي لديه من قوة

فبات يعاني من الفقر والذل وصنف مع العالم الثالث فعاش مهانا واستباحو هيبته وكرامته بل وعرضه
في ارض تحولت العداله والمساواه فيها الي كلام وشعارات الي ان وصل بهم الحد الي تشويه الدستور

وعندماحاول التظاهر صدوه وضربوة وايضا اعتقلوة
وادعو انه ارهابيا يعادي أمن البلاد .. أي بلاد تلك التي لم يعد فيها أمن ولا أمان

ولم يعد فيها مكان للتعبير الذي هو من أبسط الحقوق .. فأرادوه ان يكون أصم - وأعمي - وأبكم
ودمروا القلم الحر فسجنو الصحفيين وأعتقلو المدونين .. فهو نظام يعلنها صراحه أن أخرجو منها
فرفع الشرفاء شعار " مش هنبطل .. مش هنسافر .. مش هنسيب" فأعتقلوهم بأعتبارهم من اصحاب الرأي والمبادئ والتيارات المعاديه للنظام الحاكم
وحاكموهم عسكريا علي الرغم من كونهم مدنيين

فبات ابناء هذا الشعب الذليل يجرون الي اقسام الشرطه .. فيضربون ويعذبون ويسلخون
تحت شعار " الشرطة في ارهاب الشعب " فماذا بقا لهذا الشعب الذليل ؟
في ارض لم يسلم في برها او بحرها .. فتفحم في القطارات وغرق في البحار ..

وأصبحت غالبيه الشعب تحت خط الفقرواندثرت الطبقه الوسطي

فأصبح الذين يسرقون وينهبون يحكمون فياكلون ويشربون وينعمون
ويتاجرون في لحوم البشر وأستغلو الفرصه السانحه أمامهم للبيع والشراء في أرواح هذا الشعب بشتي الطرق

هم كبراء القوم قد نسوا أنهم جزء من هذا الشعب .. فانسلخوا عنه وعاشوا في رفاهيه وتركوه يعاني الفقر والجوع والجهل

فلهم الويل من الله


قال رسول الله ( ص ) : " افري الفري أن يضيع المرء من يعول " صدق رسولنا الكريم

قال ايضا ( ص ) : " كلكم راع وكلكم مسئول عن رعيته " صدقت يا رسول الله


لذلك نحن شعب يتيم لا يجد من يدافع عنه وليس لديه من القوة ما يكفي لياخذ حقه بيده

ليس لنا الا الله

Finally .. I am a Blogger

السلام عليكم ورحمه الله وبركاته

أول شئ .. احب ارحب بيكو في البلوج بتاعي
أترددت كتير قبل ما اخد القرار ..بأن يكون ليا مدونه .. وكان فيه اسباب للتردد ده .. من ضمن الأسباب :رفضي اني اكون وسط زحام .. ولكن فجأه قررت أني اواكب العصر وأبتديت أخد الخطوات الأولي لعمل مدونه .
مترددتش كتير بخصوص الأسم ,المواضيع والأسلوب ..

تــــــــــــــوقف هنــــــــــــــا
الأسم ده في بالي من فتره .. لقيت انو حروف بسيطه , بتطالب بالتفكير .. والوقوف للحظات مع النفس .. وكمان المطالبه بالتوقف عند حد معين .. أو مرحله معينه .. قد تكون من الظلم .. او الستبداد ..

أما بالنسبه للمواضيع اللي هيتضمنها البلوج فهتكون خاصه .. او تعبير عن اللي بنشوفو .. وكمان مشاعر

وبخصوص أسلوب الكتابه .. فهتلاقو عجائب .. شويه بالعاميه والبعض الأخر بالفصحي والله المستعان

.. شكرا ..

مكنش ينفع أنهي اول بوست قبل ما أشكر ناس فعلا يستحقو كــل التقدير

الشكر طبعا قبل ما يكون لأي حد لازم الأول يكون لله .. بحبــك اوي يا ربي .. وعارفه اني مقصره اوي وبشكرك علي كــل النعم اللي انعمت بيها عليا .. وبدعيك تهديني وتقربني ليك وللجنه

شكــرا ل ( بابا وماما ) اللي مهما وصفت او اتكلمت عمري ما هوفيهم حقهم .. بحبكو اوي وبدعي ربنا ميحرمنيش منكو ويخليكو ليا ..

شكـرا ل ( رحاب - ســمية – سلوي - سعاد ) .. مش فاكرة قبل ما اعرفكو كنت عامله ازاي ضيفتولي كتير اوي .. وكفايه اني عارفه انكو جمبي .. انا بجد فرحانه اوي بأخوتنا .. وربنا يدوم المحبه بيننا ويجمعنا في الفردوس

اتمني لكم النجاح والتوفيق والتقرب الدائم لله والجنة

وسواء اتفقنا او لم نتفق ومهما تشابهنا او اختلفنا أدعو من الله ان يدوم الأحترام المتبادل بيننا وهو يعلم كم أحمل من التقدير لكم في قلبي