بـــــحــــــــبـــــــــــــــك .. هـــتـــــــــــوحـــشـــيـــنـــي
يا كـــــــــــــــــــاتي
ربنا يعلم انا بحبك قد ايه .. وقد ايه هفتقدك الفترة اللي جايه .. اللي بدعي ربنا تعدي علي خير وبسرعة
علشان ارجع تاني .. ونقعد مع بعض .. ونرغي .. واتكلم وتسمعيني .. وتتكلمي واسمعك
ياااااااااااااه 91 يوم .. دول كتار اوووووووي .. كنتي بتوحشيني في ال 4ايام اللي كانو بيفوتو منغير ما اشوفك ايام الامتحانات
****
بـــــحــــــــبـــــــــــــــك .. هـــتـــــــــــوحـــشـــيـــنـــي
يا سمسمتي
ربنا يعلم يا حبيبتي انتي بالفعل وحشتيني قد ايه .. :) نفسي اشوفك اوووووووي
وبتمنالك كـــــل خير في حياتك كـــــلها ... ومبـــــارك علي د . محمــد بقا
ان شاء الله ال 3 شهور و 4 ايام اللي هيمرو دول منغير ما اشوفك يعدو بسرعه اوي .. علشان بجد بحبك اوي
****
بـــــحــــــــبـــــــــــــــك .. هـــتـــــــــــوحـــشـــيـــنـــي
يا ســعاد
للي ميعرفش .. سعــاد يا جماعه بنت عمي .. وفي بيت واحد من ساعه ما اتولدنا ..
:D
يعني عشرة 18 سنة .. عارفين بعض اوووووي .. وبنفهم بعض جدااا .. وبنتحمل بعض جداااقاسينا ثانويه عامة مع بعض
وخلاااااااص اتعودنا اننا بنوحش بعض كــل سنه .. بس برضو بتوحشني اووي .. بحبك اوووي يا سوكاااا
****
بـــــحــــــــبـــــــــــــــك .. هـــتـــــــــــوحـــشـــيـــنـــي
يا ارجوانـا
مش هتكلم عن قد ايه انا بحبك وبحترمك وبتعلم منك .. هقول بس ان النهارده خفف عني كتييييير .. وصبرني اوي .. ودخلتي تاني في دماغي موضوع الشغل .. بعد ما خلاص كنت عملتلة ديليت من دماغي ..
ربنا يخليكي لينا يا حبي
****
بـــــحــــــــبـــــــــــــــك.. هـــتـــــــــــوحـــشـــيـــنـــي
مجاهده .. امة الرؤوف
شخصيتين .. بحبهم جدااااااا ..
جوجو معرفتي بيكي اسعدتني جدا .. علي الرغم من اننا متقابلناش غير مرة واحده .. ومتكلمناش كتير
بس بتفاجئ من كم الحب اللي بتحبة ببعض
نفسي اعرفك أكتر وان شاء الله تتعوض لما أجي
امة الرؤوف :) حبيبتي .. هتوحشيني اوي يا حبيبتي .. انتي طيبة اوي وجميلة جدا
ربنا يخلينا دائما مع بعض
****
بـــــحــــــــبـــــــــــــــكــو .. هـــتـــــــــــوحـــشـــونـــي
ديه لكل الناس
****
بـــــــــــحـــــــــــــبــــــــــــــــــــــك .. هـــــــــتــــــــــــــوحــــــــشـــــــيـــــــــنـــــــي
يا مــصـــر
.. بجد هتوحشيني اوي .. وبحبك اوووووووووي
النهارده خرجت علشان اجيب شويه حاجات ..
ومشيت في الشارع كتير .. كانت عيني بتتعلق بكل حاجه اشوفها .. الجامعه .. يااااااااااه كام مرة نزلت انا وكاااتي .. وشوفت ناس قدد ايه .. كام يوم جميل مختلف عن اللي قبله .. صداقات وناس رائعه .. الجيزة .. جنينه الحيوانات
تمثال نهضه مصر .. مدرسة الاورمان ( مدرستي ) .. كوبري الجلاء .. والاوبرا .. وافتكرت عدد المرات اللي اتمشيت عليه انا وسعاد واحنا راجعين من المدرسة
كوبري قصـر النيل .. قد ايه انا بحب المكان ده .. وافتكرت عدد المرات اللي مشيت عليه .. مع بابا وماما واخواتي.. ومع سعاد
لحد ما وصلت لوسط البلد ..
يااااااااااااااااااااااااااااااااااه
قد ايه انا بحب البلد ديه .. وبزعل اوي لما ببعد عنها
مليانه مشاكل ايوة .. بس حبها صدقوني بيجري في دمنا كلنا
مش فاكرة سمعت فين ان ( اللي شرب من النيل لازم يرجعلة تاني ) هو اينعم المياه ملوثه .. بس برضو
هو ده اللي بيجري في بلدنا
بحبك اووووووي ومش بقدر علي بعدك مهما سافرت .. ومهما شوفت .. انتي أجمل مكان ممكن تشوفه عيني
هتوحشيني اوووووي .. هقعد 91 يوم بعيده عنك .. بس عندي شعور أني هقعد 91 شهر
ايطاليا جميلة اوي ونضيفه اوي .. بس ناقصها حاجات اساسيه في البلد اللي ممكن احبها
- مش مصر
- مفيهاش الشعب المصري
بلون بشرتة .. وضحكة الحلوة .. وطيبتة
- مفيهاش النيل
أكيد اللي عاش برة فاهم اللي انا اقصده .. واللي لا هيعتقد أن ده كلام اغاني
بس بجد .. ده كلة حقيقي
^^^^^^^^^^^^^^^^^^^^^^^^^^^^^^^
للي لسه مفهمش .. انا باذن الله هسافر يوم الاربعاء 27
الطيارة هتقوم الساعه 12 ان شاء الله .. متجهه الي ايطاليا
ادعولنا نوصل بالسلامة ..
واللي يحب أني ادعيلة باي حاجه .. باعتبار ان دعوة المسافر مستجابة ان شاء الله .. يقول
هرجع تاني يوم 26 سبتمبر
وربنا ييسر الحال .. واقدر ادخل نت من هناك كمان
في نهاية البوست
أستودعكم الله .. الذي لا تضيع ودائعة
.jpg)
59 comments:
ربنا معاكى ان شاء الله
والايام بتغدى بسرعة
..اشتغلى فعلا هناك هتاخدى خبرة كويسة
اخجلتم تواضعنا :D
ان شاء الله برده هنتكلم فون ونت ..
وهنعمل اللى اتفقنا عليه كل واحد هيصلح من نفسه الفترة دى
ربنا يكرمك وييسرلك الخير
انتى عارفانى مبحبش اللحظات دى وبعرب منها
تروحى وتيجى بالسلامة ان شاء الله
تعرفي يا كاتي .. احلي حاجه ايه ؟
أني هشوفك بكرة ... بجد مكنتش متخيلة أن ظروفك تسمحلك
وان شاء الله هيبقي يوم جميل ..
بحبك اووووووووووووووي يا بنوتة وبدعي ربنا أن أخواتنا ديه تدوم
لا مينفعش تسافرى من غير ماشوفك
عندى كلام كتيييييييييييير
Oi, achei teu blog pelo google tá bem interessante gostei desse post. Quando der dá uma passada pelo meu blog, é sobre camisetas personalizadas, mostra passo a passo como criar uma camiseta personalizada bem maneira. Até mais.
ربنا معاكي وان شاء الله
تتعلمي الدنيا ماشيه ازاي
وان شاء الله تاخدي خبره كويسه في الحيا العمليه كمان
تحياتي
بوناسيرا سنيورا
كليو باترا
تروحي وترجعي بالفين سلامه
متنسيناش بالهدايا وانت راجعة
انا شخصيا عايزك تدعيلي
ان ربنا يهديني واني اوصل للي بحلم بيه
علي فكرة بيقولوا في السفر 7 فوائد بس للاسف مش فاكرهم
اتمني قبل ماتسافري تقري البوست الجديد يعني علي افتراض ان حد سالك او لقيتي حد هناك مش فاهم الموضوع فتوضحيله
مرة تانية
تروحي وترجعي بالسلامة
تحياتي من
ارض الحرب
مش كنتي تاخديني معاكي
ايه يا جماعة ده..
بجد اللى بيحصل ده حاجة غريبة
قدر الله وما شاء فعل
اصلى كل مشوف حد مرة كده واحنا واقفين واقول ياه فى الاجازة ان شاء الله هتكون فى فرصة نتفق ونتقابل واعرفها اكتر تطلع مسافرة
حصلت مع تلاتة لغاية دلوقتى
انتى منهم يا كليو
بس خير أكيد
:)
واكيد هتستفيدى هناك ان شاء الله
وترجعى بالسلامة
وادعيلى فى السفر
بالدعاء اللى تحبيه
كله جميل
ربنا ييسرلك
سلام
كاااااااااااتي .. لا تقلقي يا حبيبتي .. لازم هنشوف بعض .. ان شاء الله حتي انزل ببرشوط فوق سطح بيتك .. وتطلعوني تاني بصاروخ
شاب نفسه يحقق حلمة
جزاك الله خيرا .. وربنا ييسر وتبقي اجازة مليئه بالافاده .. ليا ولكل الناس
عمرو المصري ..
صباح النور :D
الله يسلمك .. ولا تقلق مش هنسي الهدايا
وبالنسبه للدعاء .. علم وسينفذ باذن الله
يا ريت لو حد يفتكر ايه هما ال7 فوائد دول
وان شاء الله هيكون ليا زياره لارض الحرب قبل ما امشي ..
وجزاك الله خيرا علي المرور
ما شاء الله ... ايطاليا ... مش دي الي عند اسكندرية كدا ... أيوا ايوا عارفها :)
لا حضرتك تروحي وترجعي بالسلامة إن شاء الله ... وربنا يوفقك في الرحلة الكبيرة دي ...
ولا تنسونا من صالح دعائكم ...
محمد عبد الجليل .... ان شاء الله سفريتك الجايه تكون ضيف في بيت الله
الفجريه .. ايه يا سمسم .. انتي فاكرة أن سفرياية هتخلصك بسهولة كده مني ؟؟
لا لا لا .. دول هنا 3 شهور .. وبعدها أكيد لااااااازم هشوفك وهنعرف بعض اكتر ..
وبجد سعدت اوي بمقابلتي ليكي .. بالصدفه
وهدعيلك .. وهدعي لباباكي .. وجميع المظلومين .. ربنا يفك اسرهم
شرقاوي .. كويس جدا أنك عرفت ايطاليا .. تبارك الله يعني
الله يسلمك .. وان شاء الله هدعيلكو كلكو
تروحي وترجعي بالسلامة يا كليو
الله يسلمك يا ارجوانا
تسافري وترجعي بالسلامة إن شاء الله
:)
أي دعوة من حضرتك بقى متنسيش
تروحي وترجعي بالف سلامة
بس اكيد سنتواصل على المنتدى وعلى المدونة
ونعرف اخبار ايطاليا
وفيفا ايطاليا
هههههههههههههه
بس بجد عندك حق على كلامك على مصر
بتوحش الواحد وهو فيها امال لما يسيبها ويسافر
عمرو .. الله يسلمك
دعواتك بقا .. وانا ان شاء الله هدعيلكو عن ظهر غيب في الطريق
انا حاسس فعلا بكلام حضرتك ويمكن عشان الواحد جرب حكاية السفر بره مصر دي فانا فاهم قصدك عن حب مصر بما فيها من (بلاوي) ومشاكل
ان شاء الله تروحي وتيجي بألف مليون سلامة
وماتنسيش تدعيلنا معاكي هناك وربنا معاكي
محمد عباس .. ان شاء الله هنتواصل .. بس لما يشتغل النت هناك بقا .. دعواتكو . . لاني مبقتش اعرف اعيش منغير النت :(
وبالنسبه للكورة .. فالسنه اللي فاتت كان وشي حلو عليهم وخدو المونديال ربنا ييسر بقا السنادي
:D
مصر .. لما الواحد يسيبها ويسافر :( بيفتقد كل حاجه فيها .. الهوا .. والمايه .. وبيتة .. وصوت الاذان في الفجر وباقي الفروض .. يااااااااه .. بنفتقد حاجات كتيرة اوي
أهمهم اصحابنا :(
حفيد محمد .. كويس والله أنك فاهم اللي انا اقصده :( .. احنا اينعم بنشكي منها .. ومن اللي فيها .. بس واحنا بعاد بنشتكي غربتنا .. ومش بنبقي مستريحيين .. حتي لو كانت مصيف طويل شويه .. او حتي شغل ..
الله يسلمك .. وان شاء الله مش هنسي أدعي لحد .. وانتو كمان متنسوش تدعولنا نوصل ونرجع تاني بالسلامة
محتاج رأيك بخصوص الموضوع ده
تجمع مدوني مصر .. حقيقة قابلة للتنفيذ أم حلم بعيد عن الواقع
تروحي وترجعي بالسلامة
متنسيش تدخلي وتنزلي بوستات تحكي عن احوالك في بلاد بره
وابقي هاتيلنا معاكي شوكلاته وانتي راجعه بالسلامة
ترجعى ان شاء الله بالسلامة وربنا يسهلك طريقك
اما الدعاء بقى فادعيلى بعلو الهمة والزواج والتقوى
al salamoo 3alaikom
ana el 7amdo lellah weselt 12 belleil ..
wel re7la kanet 7elwa el 7amdo lellah
da3awatkoo leya .. we 3ala fekra da3etloko koloko :)
mohamed
Allah iesalemak .. we enshaa2 Allah awel ma haieb2a 3andi net fi el beit hadkhol anazel postat .. ( 3alashan mafish 3arabi hena gheir 3andi fi el beit )
da3awatak ..
we belnesba lel cocolate .. eih dah ?? masaleeeee7 !!
emam el jeel .. Allah iesalemak
we enshaa2 Allah had3ilak wana rag3a ba2aa :D
ترجعى بالسلامة ان شاء الله
واعتبريها فتره تغيير جو .. وشم نفس ..
دا انتى رايحة ايطاليا يعنى .. مش رايحة شنوفه ولا ميت فارس
حاولى انك تستمتعى أكبر وقت ممكن وتستفادى اكبر وقت ممكن ..
الأخت "المصرية" كليوباترا.. أبدعت في وصف حبك لمصر، بارك الله فيك، وبارك في أخواتك
يمكن من زمان لم نقرأ كثيرا عن حبنا لمصر برغم ما فيها من فساد واستبداد
تسافرى وتيجى بالسلامة ان شاء الله
ربنا يوفقك
اده يعنى انا مش لحقت ااقولك بسا ولا ترجعى بالسلامة ولا حتى ااوصيكى على عقد الاحتراف بتاع البلى فى اى نادى ؟؟؟
مممممممممممممممممممممم
عموما هنستناكى تانى زى السنة اللى فاتت ...ومش لازم تجيبيلى الفيرارى زى كل سنة :D
انا كنت فى اسكندرية من كام يوم ...ويادوب عديت البحر جبتلى عربيتين تلاته ورجعت تانى
:p
ترجعى بالسلامة ان شاء الله
ولا انا لحقت بس قلتلها على المنتدى
يلا ربنا يرجعها بالسلامة يارب :)
ربنا يرجعك بالسلااامةةة
مستنين بوست عن بلاد الفرنجة
:d
هو الكيبورد عندهم مفهوش عربى ولا ايه
هههههههههههه
انا بهزر
ترجعى ب السلامة
وممكن تجبيلى بلح عشان انا بحب البلح الايطالى اوى
اصل عمرى مذقتة
يااااااااااااه الله يكون فى عونك يابنتى انا متخيلش نفسى كده اقدر اسيب مصرتى حبيبتشى ربنا يوفقك فين ماكنتى
وبمناسبة الدعوة ادعيلى ربنا ييسرلى طريقى وينولنى الى فى بالى
yasser selim
italia .. france ... mafish mashakel .. bas ketir ia3ni 91 youm begad kotar awe
bas rabbena ieiaser we ashtaghal zai el sana elli fatet
ed3uli :)
shehab
rabbena iekremak .. e7na 3ala fekra mesh lazem nekra2 3an 7ob masr .. 3alashan kollena ben7es bih .. :)
break
Allah iesalemak :)
rabbena ie3ezak
safa7 karmooz
:D
ferrari .. we beli
la la dah tama3
:D rabbena iekremak ... we enshaa2 Allah tekoon estamta3t be agaztak fi Alex
Flona .. Allah iesalemek ya amar .. we kaman salamek iewsal ya 7abebty mengheir 7ata ma tektebih
:$
eh dah taria2ah ... ma3lesh ya gama3a begad o3zoruny .. bas ana lel asaf lessa mesh 3andi net fi el beit .. fa badkhol men barra .. we mafish tab3an 3araby barra .. 3alashan keda 7atta 3aiza anazel postat ketir we mesh 3arfa
:D
esta7meloooni
_____
bos ya m7amad .. hena mafish bala7 .. wala mango .. wala gawafa .. wala molokheia .. wala bamia .. wala teen shoki .. wala 7agat tania ketir
fa ya ret ento elli teb3atoli
honda
khalas ba2aa a7san ha3aiat :(
begad masr wa7ashetny aweeee
ed3uli ba2aa el agaza dih te3addi besor3a
والله صعبتى عليا
يا جماعة عوزين نجمع من كل واحد جنية عشان نجبلها ملوخية
بصى احنا ممكن نبعتلك كوسة
اصل الكوسة عندنا كتيييييييييييييييييييير اوى اوى
مقولكيش
انا اول واحد هادفع الجنيه
ومستعد اعمل حملة في المدونات كلها نجمعلها تبرعات
وبالمرة نفكر لها في طريقة عشان ترجع تكتب عربي عشان من الواضح انها نسيته
والله شكلها كده شويه شويه هتكتبلنا بالطلياني
علي فكرة انا باهزر
اسف لو كان الهزار سخيف
سلامي
من
ارض الحرب
:(
shoftoo el gamal elli ana fih .. mesh haieb2aa 3andi net fi el beit :(
mohamed .. wade7 enak far7an feia .. ana begaaaaad zehe2t men el pasta wel pizza .. ana bamoooooot aslan fi el molokheia :(
we el kosa .. mesh ba7ebbaha aslan .. bas lamma teb2aaa baladak .. fa a7san ne7ra2 el kosa .. we mansebsh el balad
3amro el hezar mesh sakhif wala 7aga
bas wallahi ana nefsi ieb2aa fih 3araby .. 3alashan kaman anazel postat .. la2enni mesh 3aiza akteb franco arab
esta7meluni
تروحى وترجعى بالسلامة يا حبى
قمة البراءة
والرقة
تحياتي
barbie girl ... Allah iesalemek ya 7abebty :)
sa7eb el bawaba ... :) da3awatak
اييييييييييييييييييييييييه
دنيا
بصراحة ومن غير كذب
انت هنا علي جهاز كشف الكدب
نسيتينا ولا
لسسسسسسسسسسسسسسسسسسسسسسسسسسسسسسسسه
سلامي
من
ارض الحرب
و الله هتوحشينى يا كليو....
و يا بنتى افتحى موبيلك حرام عليكى نفسى اكلمك....
و حشانى و الله انت و البنت اللى اسمها كات دى...
يا رب تروحى و تيجى بالسلامه.....
على فكرة يا تينجو كليو معاها رقم غير رقمها
كلمينى وانا هديهولك
انتى كمان وحشانا جدا
تروحى وتيجى بالسلامة
هنستنى منك بوستات من هناك
ولا هى ايطاليا لسة موصلهمش اختراع النت ؟ !!
موضوع فيه عواطف جميله نرجو من الله لكي السلامه
ana ahooooooooooo
ya 3amro 7aram 3alek .. ezai ia3ni neseet modawanty we zowarha .. enshaa2 Allah 10 ayam we haieb2aa fih net fi el beit .. we hadawen tani :D
tingoooooooooo kefek ya banoota .. wa7ashteny geddaaaaaaaaaan we nefsi ashofek .. we rakami elli hena hatla2ih ma3aa caaat khodih menha
caaaaaaaaaaaaaaaaty .. tab3an enty mesh me7taga a2olek enty wa7ashteny add eih :(
mashru3 batal .. Allah iesalemak
we enshaa2 Allah post gedid fi akrab wa2t .. 3andi kalam ketiiiiiiiiiiir 3aiza a2olo we a7kelko 3anno .. Rabbena iesahel
el shahid el 7az .. jazak Allah khairan 3ala el moror
Post a Comment